La Comisión de Salú Pública recomienda poner la tercer dosis a los infestaos a los 5 meses

Esti llunes rexistráronse 2.348 casos nuevos.

La Comisión de Salú Pública, na que participen el Ministeriu de Sanidá y les autonomíes, alcordó recomendar la tercer dosis de la vacuna a les persones que pasaren la COVID-19 a los cinco meses del diagnósticu. Hasta'l momentu taba afitada la puesta a la cuarta selmana, cuestión que foi cuestionada por espertos, polo que se produz agora esti cambiu de criteriu.

Sicasí, ye una recomendación, polo que los ciudadanos van poder ponela cuando quieran a partir d'eses cuatro selmanes. Otra decisión tomada güei ye que los neños d'ente 5 y 11 años infestaos que nun tuvieren vacanaos van recibir el preparáu nuna única dosis a les 8 selmanes.

6 finaos

La Conseyería de Salú informó de la detección ayeri de 2.348 casos nuevos de COVID-19 nuna xornada na que se rexistraron 6 muertes, la de 3 muyeres de 91, 91 y 86 años y la de 3 homes de 88, 84 y 74. No que va d'andanciu perdieron la vida cola enfermedá causada pol coronavirus SARS-CoV-2 un total de 2.267 persones.

Hai 469 pacientes hospitalizaes, 3 menos que'l día anterior. 422 tán ingresaos en planta, 2 más, y 47 na UCI, 5 menos.

Na semeya, dosis de refuerzu con Moderna.