Dieciséis finaos esti martes con COVID-19

Detectáronse 2.230 casos nuevos y baxaron les hospitalizaciones nesta xornada prieta.

Un total de 16 persones perdieron ayeri la vida cola enfermedá causada pol coronavirus SARS-CoV-2, la cantidá más alta d'esta quinta fola. Finaron un total de 12 homes de 96, 96, 93, 90, 89, 86, 84, 76, 71, 70, 64 y 42 años, y 4 muyeres de 96, 94, 93 y 78 años.

La Conseyería de Salú comunicó la detección de 2.230 contaxos, 118 menos que'l llunes, cuando s'informó de 2.348. Tamién baxaron la cifra de persones hospitalizaes, al pasar de 469 a 440.

D'ellos 395 tán ingresaos en planta y 45 na UCI, lo que supón un descensu de 27 y 2 pacientes, de manera respeutiva.

Na semeya, autocovid instaláu tres el Palaciu de Deportes de Xixón.