Jonas Fernández caltendría'l so escañu nel Parllamentu Européu

|
Jonás Fernández Álvarez

El PSOE tamién ganaría nes Europees del 26-M, según el macrobarómetru del CIS. Agora Repúbliques mantendría los 3 eurodiputaos.

Jonás Fernández Álvarez, númberu 16 de la llista del PSOE –anguaño tien 16 representantes–, sería l'únicu asturianu nel Parllamentu Européu. Los socialistes sumaríen ente 17 y 18 escaños.

El Partido Popular (PP) algamaría ente 11 y 12, mentes que Ciudadanos rexistraría ente 8 y 9, y Unidas Podemos Cambiar Europa, 8. Entraría na Cámara per primer vegada VOX, con ente 4 y 5 escaños.

Agora Repúbliques, coalición na que s'integra Andecha Astur, caltendría los 3 diputaos que tien anguaño –2 d'ERC y 1 de Los Pueblos Deciden–. Éstos seríen pa los catalanes Oriol Junqueras y Diana Riba, y pa Josu Juaristi (EH Bildu).

Tamién tendríen representación la candidatura de Carles Puigdemont y la Coalición por una Europa Solidaria, liderada por EAJ-PNV. Nun renovaríen los sos escaños UPyD, que nun se presenta, y Compromís per Europa/Compromiso por Europa.

 

Contador Estadistiques