Los instrumentos musicales na antigüedá céltica protagonicen una charra de la Lliga Celta

El músicu tradicional y investigador Dani García de la Cuesta pon esta conferencia.

El nome de la mesma ye 'Averamientu a los estrumentos musicales na antigüedá céltica y otros ámbitos' y va principiar a les 19 hores na xixonesa Biblioteca Pública Xovellanos. La charra ta encuadrada dientro del calendariu d'actividaes de la Lliga Celta d'Asturies, coleutivu que vien entamando nestos meses conferencies de temática asturiana y una visita guiada al castru Punta'l Castiello.

García de la Cuesta ye collaborador d'Asturies.com, onde anguaño ta espublizando la interesante serie 'De madreñes' sobre esti calzáu, de la que próximamente espublizaremos más entregues.