Grau va aprobar les ordenances d'asturianu

|
'Conceyos pola Oficialidá' en Grau

El conceyal de Cultura, Desarrollu Llocal y Comunicación, Plácido Rodríguez Fernández, va defender el testu nel Plenu del martes.

Izquierda Xunida (IX), con mayoría absoluta nel Conceyu de Grau, va sacar alantre les ordenances municipales d'usu del asturianu col apoyu del PSOE y la dulda sobre'l posicionamientu final de Foro. Los cuatros conceyales non adscritos, ex del Partido Popular (PP), previsiblemente nun van votar a favor.

El Plenu va comenzar a les 18 hores y Rodríguez Fernández va encargase de defender el documentu redautáu pol Serviciu de Normalización Llingüística de Grau-Candamu col asesoramientu de dellos xuristas de renome del campu alministrativu "puliendo los defectos de las ordenanzas similares sobre’l mesmu tema d’outros conceyos ya adaptando la redacción a las esixencias que marca l’actualidá del sieglu XXI", yá preparáu dende hai dellos meses y namái pendiente d'aprobación por mor de los plazos qu’afita la Llei d’Alministraciones. El so oxetivu ye regular l'usu del asturianu nel campu alministrativu llocal: "Nun yá outru que dotar d’un espaciu llegal nel ámbitu municipal al asturianu, la modalidá llingüística con más presencia de la zona", espresen dende'l SNL.

Semeya: Casa Conceyu de Grau na campaña 'Conceyos pola Oficialidá'

 

Contador Estadistiques