Foro recuerda a Sánchez los casos de corrupción del PSOE n’Asturies

El diputáu Isidro Martínez Oblanca refugó concesiones a los independentistes na so intervención nel alderique pola moción de censura al Gobiernu de Mariano Rajoy y recordó a Pedro Sánchez los casos de corrupción del PSOE n’Asturies. Foro nun sofita dicha moción, que saldrá alantre colos votos d'EAJ-PNV.

Esta tarde, tres la intervención de José Luis Ábalos pela mañana y l'alderique posterior ente Sánchez y Rajoy, ye'l turnu del restu de grupos parllamentarios. Martínez Oblanca intervino recordando-y a Sánchez El Musel, el casu Villa o'l Niemeyer, y reclamando los compromisos del Executivu coles obres asturianes, dalgo que'l socialista dixo que diba respetar.

Les informaciones últimes que se tán manexando en Madrid afiten que la moción de censura presentada pol PSOE va salir alantre. EAJ-PNV va sofitar la mesma, condición indispensable p'algamar el númberu de diputaos necesarios depués de la postura caltenida por Ciudadanos.

Na semeya, Sánchez nel momentu de llegar al Congresu.