Fernández Bartolomé, suspendíu de militancia

El diputáu de Ciudadanos na Xunta presentó alegaciones al espediente abiertu pol partíu.

Luis Armando Fernández Bartolomé, l'otru diputáu críticu –Laura Pérez Macho arrenunció al so escañu en xineru– cola direición de la organización y la vocera Susana Fernández Álvarez, recibió hai 3 selmanes la comunicación de que taba cautelarmente suspendíu de militancia. El motivu argumentáu, indisciplina y infraiciones como la rotura de disciplina de votu nel Plenu de presupuestos.

Dicha suspensión de militancia nun ye definitiva, yá que'l xixonés presentó alegaciones al espediente abiertu. Mientres, va poder siguir cola so actividá parllamentaria, anque la comunicación col grupu de Ciudadanos ye nula nos meses últimos.

Na semeya, Fernández Bartolomé esta mañana nuna intervención na Comisión de Derechos Sociales y Bienestar.