Pérez Macho arrenuncia al so escañu na Xunta

|
Laura Pérez Macho

La ex vocera parllamentaria de Ciudadanos conforma xunto con Luis Armando Fernández Bartolomé'l sector críticu cola direición del partíu y Susana Fernández Álvarez.

Laura Pérez Macho presentó esta mañana a la Mesa de la Xunta Xeneral el so arrenunciu al escañu depués de quedar apartada de la negociación presupuestaria, na que la formación naranxa sofitó les cuentes del Gobiernu, y delles comisiones. "Si nun se me permite facer política pa los asturianos, nun voi siguir cobrando un sueldu", afirmó.

La periodista y Fernández Bartolomé, que s'astuvo na votación de los Presupuestos Xenerales pal 2022, lleven tiempu viviendo un momentu difícil nel grupu parllamentariu llueu d'amosar la so disconformidá cola direición de Ciudadanos, denunciando contautos de responsables del partíu pa desembarcar nel PP, col restu de diputaos, Sergio García Rodríguez y Luis Carlos Fanjul, posicionaos xunto cola vocera Fernández Álvarez. El siguiente na llista eleutoral pola circunscripción central, que tendría derechu al escañu, ye l'abogáu Manuel Cifuentes, númberu 10 de la llista.

Contador Estadistiques