Éstes son les frecuencies plantegaes pa les ocho rutes internacionales

Seis de los ochos destinos europeos dende l'Aeropuertu d'Asturies han d'entamar a tar operativos enantes del 30 d'ochobre.

Vueling, Ryanair y Volotea son les trés compañía que presentaron ufiertes a los diferentes llotes propuestos pol Gobiernu nesti concursu pa coneutar el país vía aérea con Bruxeles, Milàn, Düsseldorf, Roma, París, Londres y Lisboa hasta'l 2026, amás d'una octava ruta a Ámsterdam, Dublín o Frankfurt am Main, que finalmente va ser cola capital neerlandesa. Éstes son les frecuencies presentaes poles aerollinies, que se podríen ampliar:

• Londres-Gatwick (pendiente de xustificación económica por parte de Vueling): 4 frecuencies iniciales hasta algamar 6 a partir de la temporada de branu del 2024. La intención de la compañía d'IAG ye coneutar Asturies cola rede de British Airways.
• París-Orly (Vueling): agora vuela con 2 frecuencies selmanales, que van aumentar a 3 nel branu de 2023 y a 4 a partir del 2024.
• Düsseldorf-Weeze (Ryanair): 2 frecuencies selmanales.
• Bruxeles-Charleroi (Ryanair): 2 frecuencies selmanales.
• Roma-Fiumicino (Ryanair): 2 frecuencies selmanales, que van ser 3 en temporada de branu.
• Ámsterdam (Vueling): ente 2 y 3 salíes selmanales, dependiendo del periodu d'operación.
• Lisboa (pendiente de xustificación económica por parte de Volotea): 2 frecuencies selmanales, que van ser 3 en temporada de branu. Esta ruta tien qu'entamar a operar enantes de la temporada de branu del 2023 (a lo último de marzu).
• Milàn-Bèrghem (Volotea): 2 frecuencies selmanales, que van ser 3 en temporada de branu. Esta ruta tien qu'entamar a operar enantes de la temporada de branu del 2023 (a lo último de marzu).

Na semeya, mostradores de Volotea y Vueling nel Aeropuertu d'Asturies, onde torna con esti concursu Ryanair.