El PP de Mieres presenta alegaciones contra la ordenanza d'asturianu

Califícala de "inconstitucional".

El Partido Popular (PP) de Mieres cumplió les amenaces que dio Fernando Pintuales nel Plenu del 25 de mayu nel que s'aprobó, colos únicos votos en contra de los conservadores, la ordenanza d'asturianu del conceyu nuna fase inicial, y presentó alegaciones al testu. Na so argumentación citen cuatro puntos, siendo'l primeru'l marcu normativu al considerar de que'l testu ye inconstitucional dafechu y nun s'axusta tampoco al Estatutu y a la Llei d'Usu y Promoción del Bable/Asturianu.

Tamién cita un supuestu costu económicu na so aplicación, que nun ye "un tema prioritariu pa los vecinos de Mieres" y, por último, que "nun contempla'l conceptu de Cultura Asturiana". Los populares acusen al equipu de gobiernu d'IX de movese por ideoloxía y non atender a les necesidaes de los mierenses. Ente éstes cita la llimpieza del conceyu, la falta de mantenimientu de les zones verdes o la falta d'apuesta pol deporte.