El plazu pa presentar el xustificante de pagu de les tases de la prueba de B2 d'asturianu va ampliase

La Conseyería d’Educación va espublizar estos díes una resolución pola que se va ampliar el plazu de pagu de les tases del B2 d’asturianu. El pieslle de los centros escolares y la restricción de la movilidá pola pandemia de COVID-19 impiden a les persones con plaza la entrega del xustificante d’abonu de los 31,63 euros.

Namái mientres trés díes los aspirantes a aprobar la primer prueba de certificación d’asturianu adaptada al Marcu Común Européu de Referencia pa les Llingües convocada, que va ser pal nivel intermediu B2, pudieron formalizar la so matrícula. El sábadu declarábase l’estáu d’alarma en tol Estáu, con restricción de la movidá de la ciudadanía y pieslle de los centros educativos, polo que munchos inscritos nun pudieron entregar el xustificante de pagu, con plazu pa facelo hasta’l llunes 23.

La información proporcionada por Educación a los centros d’inscripción ye que se van ampliar los tiempos pa que les 500 persones con plaza faigan el trámite, cola previsión d’oficializalo nos díes próximos. Les pruebes de B2 tán convocaes pa mayu n'Uviéu, en concreto del 21 al 29.

Na semeya, l'uvieín IES Aramo, centru d'inscripción y sede del bloque 2 de la prueba.