El númberu de contaxos xube a 80 esti martes

Descuéntase un positivu de la serie por un falsu positivu, polo que'l total queda en 4.771.

Los datos de la COVID-19 n'Asturies dexaron ayeri 80 contaxos, 12 más que la xornada anterior. Trátase d'una cifra cercana a la media de la selmana pasada, cuando hebo un promediu de 83 casos nuevos diarios.

Na UCI hai dos ingresos más qu'ayeri, con un total de 13 pacientes hospitalizaos, mentes qu'en planta hai 37, ún menos. Na xornada 12 persones recibieron l'alta epidemiolóxica, que dexen el total de curaciones en 2.217.