Salú informa de 68 contaxos esti llunes

Hai que llamentar la muerte na xornada d'una muyer de 82 años con COVID-19, la 348.

La Conseyería de Salú informó de 68 casos de coronavirus SARS-CoV-2 diagnosticaos ayeri tres la realización de 2.295 pruebes PCR, polo que la tasa de positividá asitióse nel 2,96 por cientu. La Organización Mundial de la Salú (OMS) recomienda qu'esti porcentaxe nunca supere'l 5 por cientu pa tener controlada la pandemia.

Nos datos oficiales la cifra comunicada foi 67 por mor d'un falsu positivu de díes anteriores. El total de la serie queda poro en 4.692.

Salud confirmó tamién la muerte d'una muyer de 82 años que nun tien rellación con centros residenciales sociosanitarios. Otra manera, ayeri rexistráronse trés ingresos hospitalarios y ún na UCI qu'afeuten a casos diagnosticaos en díes pasaos.

49 hospitalizaos

Anguaño hai na UCI 11 persones y 38 en planta, 5 más qu'ayeri. Na xornada rexistróse ún alta epidemiolóxica, que pon el total de curaciones en 2.205.