El llunes superáronse per tercer vegada en cuatro díes los 500 contaxos

|
Autocovid nel Palaciu

La incidencia acumulada a 14 díes yá ta en 543,4 casos cada 100.000 habitantes.

La pandemia sigue n'ascensu y ensin perspeutiva de frenar. La Conseyería de Salú comunicó ayeri 510 casos nuevos de COVID-19, superando per tercer vegada la barrera de 500 contaxos depués de los 548 del vienres, récor de la quinta fola, y los 527 del sábadu, con un cantidá menor, 437, el domingu.

Na xornada finó una muyer de 82 años, polo que'l total de muertos nel andanciu algama yá la cifra de 2.115. Xuben tamién les hospitalizaciones, de 177 a 186, de los que 147 tán en planta, 7 más que'l domingu, y 39 na UCI, 2 más.

Na semeya, autocovid nuevu instaláu en Xixón, tres el Palaciu de Deportes, pa facilitar la realización de pruebes PCR a la población.

Contador Estadistiques