El Gordu dexa 148 millones vendíos en Morea y repartíos principalmente pol Club Atletismo Mieres

Cinco años depués el Gordu de la Llotería de Navidá, el 05.490, tornó a cayer n’Asturies, en concreto en Morea, na Alministración númberu 3, que repartió 148 millones –tamién se vendió ún nel estancu de la cai Xovellanos d’Uviéu–. Unes perres mui repartíes, yá que’l Club Atletismo Mieres dio en papeletes de 4 euros más de 137: 80.000 euros caúna.

Lluvia de millones na cuenca d’El Caudal gracies al númberu 05.490, que salía a les 11.20 hores. Vendiéronse 37 series, dalgunes en ventana, pero la mayoría viaxó a Mieres pa ser distribuyíes pola entidá deportiva.

Tamién habría un premiáu n’Uviéu, nesti casu el comprador d’un décimu per máquina. Nun cayía’l Gordu n’Asturies dende’l 2018, anque pa ver premios de tanta cuantía hai que retroceder al 2007, cuando la suerte visitó Nava, Avilés y Llanes, onde dexó 360 millones d’euros.

Otros premios

Precisamente en Llanes cayó un cuartu premiu, el 25.296, que tamién se vendió n’Uviéu, dexando en total 220.000 euros nel país. Nava tamién recibió un quintu premiu, el 38.454, con más perres repartíes, 1,8 millones d’euros.

Na semeya, l'Alministración de Llotería númberu 3 de Morea nuna imaxe d'archivu.