El Defensor de l'Audiencia de RTVE desconoz que la toponimia tradicional asturiana ye la oficial

"Discúlpeme, pero no me consta que las Cortes Españolas hayan aprobado el bable como lengua cooficial", respondió Ángel Nodal a una entruga d'Iván Llera.

El periodista, y tamién presidente d'Iniciativa pol Asturianu, escribió al Defensor de l'Audiencia de RTVE pa conocer qué motiva que l'ente públicu de comunicación nun use la toponimia asturiana, la única oficial en 66 de los 78 conceyos del país. La sorpresa llegó al recibir la comunicación de Nodal, que'l xixonés nun duldó en compartir en redes sociales, xenerando numberoses reaiciones.

"Apreciado comunicante. Gracias por su correo. RTVE siempre utiliza la toponimia oficial. Discúlpeme, pero no me consta que las Cortes Españolas hayan aprobado el bable como lengua cooficial. Un cordial saludo", respondió'l periodista toledanu, amosando un gran desconocimientu de la realidá asturiana.

"La Corporación RTVE tien la obligación de curiar y promover la diversidá llingüística del Estáu. Intolerable", apuntó en Twitter Llera, que tamién censuró la suficiencia que Nodal tresmite na so respuesta.

Semeya propiedá de RTVE.