Dos responsables políticos tuvieron tratu de favor n'Uroloxía, según Podemos

El diputáu Andrés Ron nun quier confirmar la identidá d'estes persones hasta contrastar la información. Sanidá va treslladar los datos que manexa Podemos a la Fiscalía.

"Trátense de dos persones con cargos políticos entovía n'activu. Ún d'ellos pudo ser interveníu con prioridá respeuto a otros pacientes ingresaos en llista meses enantes, teniendo patoloxíes idéntiques y procedimientos indicaos. L'otru supuestu favorecíu nun entraría nin siquiera en llista d'espera", apuntó Ron nuna rueda de prensa sobre la información que-y llegó a Podemos, a la que da "una ellevada credibilidá". "Estos tratos de favor podría esplicar la 'manga ancha' que'l SESPA tien col serviciu d'Uroloxía", añadió'l diputáu.

La información foi treslladada al conseyeru de Sanidá, Franciso del Busto, y al xerente del SESPA, José Ramón Riera, ente otros, pola delicadeza del asuntu y la necesidá de contrastar los datos. Del Busto anunció tres echar un güeyu a la mesma que va treslladala a la Fiscalía pa qu'investigue'l supuestu tratu de favor a estos altos catgos y el fechu de que se difundieran histories clíniques de pacientes.

Axuntamos les declaraciones d'Andrés Ron: