'¿Cuála ye?' recauda 1.392 euros en seis hores

|
'Cuála ye' mosaicu

L'oxetivu marcáu pa facer realidá'l xuegu d'entrugues sobre Asturies ta en 4.500 euros.

La campaña de micromecenalgu popular na rede entamada por Acuto Xuegos al traviés de la plataforma Verkami pa financiar el so primer proyeutu p'adultos, ta teniendo una gran respuesta de públicu. En namái 6 hores recaudó 1.392 euros, casi un terciu de les perres necesaries.

‘¿Cuála ye?’ ye'l primer xuegu de mesa p’adultos n'asturianu. Trátase d'un entretenimientu d’entrugues sobre temes d’Asturies sobre historia, cultura, llingua y lliteratura, ciencies y naturaleza, deportes y entretenimientu, y xeografía y conceyos, siguiendo la llinia del popular 'Trivial Pursuit'.

Abierta la cuestación popular a les 10 hores, y una vegada escosada la primer promoción destinada a los cinco primeros compradores, mientres les primeres 48 hores va caltenese la segunda, col xuegu a un costu de 37. Dende'l xueves, el preciu final del productu va ser de 40 euros.

Contador Estadistiques