Esti añu súmense chiringos nuevos, ente los que destaca La Folixaria, con una programación amplia que pretende dinamizar les fiestes y tornales más participatives.
Foi nel añu 1984 cuando echó a andar El Topu Fartón por iniciativa de la Liga Comunista Revolucionaria (LCR), chiringu qu'acabó convirtiéndose nuna referencia de San Mateo y que nos años últimos tuvo xestionáu por SOS Racismu, Xega y la Xunta pola Defensa de la Llingua Asturiana (XDLA). Esti añu, estos coleutivos decidieron baxar la persiana de la yá mítica panera por cuestiones organizatives, polo que güei va comenzar el primer San Mateo ensin El Topu Fartón en más de trés décades.
Sicasí, la reivindicación nun va faltar nes fiestes uvieínes, yá qu'ente los proyeutos de chiringos nuevos destaca'l de La Folixaria, que naz por iniciativa del Frente Feminista Uniovi, les Asamblees de Estudiantes de la Universidá d'Uviéu, l'Asociación d'Estudiantes de Medicina de Asturias (ADEMAS), l'Asociación para la Salud Mental Hierbabuena, Bujarra, Asturies ConBici, l'Asamblea por el Futuro de la Investigación en Asturies (AFIA) y Disex Asturies, y que va asitiase en La Corrada l'Obispu. Estos coleutivos presenten na so estrena un ampliu programa compuestu por más de mediu centenar d'actividaes culturales, musicales y festives baxo'l nome de 'La Corrada Fest', con xornaes temátiques qu'abarquen dende'l feminismu a la diversidá sexual, cola intención de contribuyir a facer unes fiestes participatives y populares en contraprosición a otros modelos como'l defendíu pol PP, que pretende dar un mayor pesu a los hosteleros llocales.
Adxuntu | Tamañu |
---|---|
![]() | 444.51 KB |