El Topu Fartón pieslla la panera tres 33 años de folixa y reivindicación

Otros coleutivos podríen tomar l'espaciu que dexa'l chiringu en San Mateo, anque baxo otru nome y con diferente infraestructura.

Nel 1984 empezó a furrular El Topu Fartón nes fiestes uvieínes de San Mateo por iniciativa de la Liga Comunista Revolucionaria (LCR), convirtiéndose nuna parada clave de llocales y visitantes nestes feches festives. Col pasu los años, SOS Racismu, Xega y la Xunta pola Defensa de la Llingua Asturiana (XDLA) acabaron encargándose de la so xestión, qu'abandonen agora por mor de la evolución de los propios festexos, con una menor implicación de la xente mozo qu'obligaba a los militantes d'estos coleutivos a redoblar esfuercios p'abrir el chiringu.

Sicasí, l'espaciu que dexa podría ser cubiertu por otros coleutivos, ensin descartar el posible sofitu de dalguna de les qu'hasta agora daben vida a El Topu Fartón. Lo que ye seguro ye que sería con otra infraestructura y otru nome.