Ciudadanos rectifica y esborria los tweets sobre la posición del Gobiernu al rodiu la oficialidá y los presupuestos

Los tweets sobre la rueda de prensa de Susana Fernández Álvarez al rodiu la negociación presupuestaria desapaecieron de la páxina de Ciudadanos Asturias nesta rede social. La vocera afirmara que’l Gobiernu confirmara que nun se diba a tratar la oficialidá nel 2021, dalgo qu’agora la formación naranxa puntualiza.

En concreto, nes espublizaciones nueves apunta que lo qu’acepta l’Executivu ye “nun incluyir partida presupuestaria pa la cooficialidá”. Una cuestión que Fernández Álvarez vendía como un ésitu, xunto cola non xubida d’impuestos, y que ye dalgo bien conocío que la Federación Socialista Asturiana (FSA) nun plantegaba pa estos presupuestos.

Los mensaxes esborriaos –ún d'ellos ye'l de la imaxe– incluyíen un audiu con unes declaraciones de la vocera parllamentaria de la formación naranxa. Ésti ye un cachu del mesmu: