Ciudadanos insiste en venceyar presupuestos y oficialidá del asturianu

El diputáu Sergio García Rodríguez celebró que nun hubiera "partíes" al respeuto.

Ciudadanos insiste en venceyar presupuestos y oficialidá cuando la igualación de los derechos de los falantes d'asturianu y gallego-asturiano colos de castellanu n'Asturies ha de facese al traviés de la reforma del Estatutu d'Autonomía. Na so fixación de posición, García Rodríguez apuntaba qu'ente los llogros na negociación de la formación naranxa cola Federación Socialista Asturiana (FSA) taba que "compartimos la non incoporación de partíes que conlleven a avanzar na oficialidá del asturianu".

El mes pasáu, unes pallabres de Susana Fernández Álvarez al respeuto nuna rueda de prensa cuando entamaben los axuntamientos ente dambos partíos sobre los Presupuestos obligó a Ciudadanos a rectificar a lo poco. Asina, pasó de dicir que'l Gobiernu se comprometía a nun tratar el tema de la oficialidá a, en redes sociales, afirmar de la esistencia d'un alcuerdu pa “nun incluyir partida presupuestaria pa la cooficialidá”.