Bras Rodrigo asoleya un cenciellu del que va ser el so discu próximu

|
Bras Rodrigo 'Lug'

La pieza entitúlase 'Lug' y va contar con un videoclip que se va conocer esti vienres, anque yá se pue disfrutar d'un adelantu.

Bras Rodrigo yá prepara'l que va ser el so cuartu discu, depués de ‘Xermandía’ (2005) y 'A pause in New York’ (2016) xunto'l navidiegu 'Christmas pipes' (2017), cola previsión de que "salga pa la seronda". P'abrir boca, el maestru gaiteru ufre un cenciellu de los cantares que va componer parte del mesmu, que va colgar mañana al rodiu'l meudía nel canal de YouTube del artista.

Ésti ta dedicáu "al dios celta Lug, el que ta más arriba del panteón célticu", esplica al tiempu que destaca la calidá del videoclip que lu acompañáu, obra de Filmastur. Nél pue vese a Rodrigo tocando la gaita carauterizáu como celta xunto a otros actores en paisaxes impresionantes d'El Bierzu, en concreto'l tabayón de Cualtón, los castiellos de Cornatel y Ponferrada, y Las Médulas.

Contador Estadistiques