Bras Rodrigo espeya en "Xermandía" el so recorríu musical pel mundu

El gaiteru de Perlora Bras Rodrigo presentó esta mañana na sé de la SGAE'l so primer discu "Xermandía" un trabayu asoleyáu pola casa Grabaciones Pola y que ta compuestu por trece temes de folk que según l'autor del discu "hermanen la música d'esta nación celta con toles músiques del mundu"

Na presentación del discu, el gaiteru esplicó qu'esta publicación va dedicada al so güelu, que-y mercare la primer gaita y que morrió nun accidente de trabayu. Bras Rodrigo, director de les bandes de gaites de Corvera y de Lluanco, espeya nos temes del LP parte del repertoriu que toca con estes formaciones y tien el propósitu tamién de ser "un diariu" de los sos viaxes pel mundu cola banda de Corvera, amestando músiques de tolos llugares que visitó. Nesti sentíu, ye de destacar que Blas Rodrigo va tar desfilando peles cais de Nova York en representación d'Asturie el prósimu17 de marzu coles dos bandes de gaites, la de Corvera y la de Lluanco, na celebración del Día de San Patriciu, fiesta nacional de la comunidá irlandesa.

Per otra parte, nos trece temes del discu hai sitiu haistiu tamién pa collaboracioned y versiones inédites. Un exemplu d'estes últimes ye la versión que fai el gaiteru corveranu del célebre "Adagio" d'Albinoni con gaita y teclaos. Nel capítulu de les collaboraciones alcontramos "Asturianos del Caribe" que ta dedicada a los gaiteros asturianos na emigración y que cuenta col llabor del guitarrista Miguel Herrero.