Asturies confirma les sos restricciones pol coronavirus SARS-CoV-2 pa Selmana Santa

|
Adrián Barbón

El Gobiernu nun va camudar la so estratexa en Selmana Santa. Del 26 de marzu al 9 d’abril va caltener el mesmu horariu de toque de queda y adapta les restricciones mínimes qu’afita l’alcuerdu del Conseyu Interterritorial del Sistema Nacional de Salud, como la prohibición d’axuntamientos en domicilios ente non convivientes.

El Boletín Oficial del Principáu d’Asturies (BOPA) espublizó esta tarde’l decreto del presidente Adrián Barbón pa llendar la movilidá y los contautos en Selmana Santa pa torgar l’espardimientu del coronavirus SARS-CoV-2. Como marcaba l’alcuerdu ente’l Ministeriu de Sanidá y les autornomíes, nun va ser posible salir nin entrar del país –el testu recuerda que va siguir vixente hasta’l final del estáu d’alarma– y va siguir el toque de queda, que nel casu d’Asturies nun va sufrir modificaciones: de 22 a 6 hores.

La gran novedá con reespeuto a les midíes actuales ye la prohibición de los axuntamientos ente non convivientes en llugares zarraos, como domicilios. N’espacios públicos va ser de 4 persones, mentes que s’amplía a 6 p'allugamientos abiertos.

Tampoco nun se van permitir nestes feches festives eventos que favorezan les concentraciones de persones. De la mesma forma, el Gobiernu encamienta a la ciudadanía a tener prudencia y responsabilidá individual.

Na imaxe, el presidente Barbón. Semeya obra d'Armando Álvarez.

AdxuntuTamañu
PDF icon BOPA decretu Selmana Santa (castellanu)209.37 KB
Contador Estadistiques