Asturies comienza'l procesu pa entrega-y la so medaya d'oru a Vincent García Riestra

|
Vicent García Riestra

El polesu, sobreviviente del campu de concentración nazi de Buchenwald, tamién va ser nomáu fíu predileutu xunto a otros trés lluchadores antifascistes héroes n'Europa.

La propuesta de la Federación Asturiana de Memoria y República (FAMYR), l'Atenéu Obreru de Xixón y la Sociedá Cultural Xixonesa, tramitada por Podemos y Asturies pela Izquierda, salió nesta ocasión alantre gracies al apoyu tamién del PSOE na Mesa de la Xunta Xeneral, mentes que'l restu de fuercies astuviéronse. D'esta forma Asturies va pagar una deuda vieya pa con estes cuatro persones, a títulu póstumu, claves "na defensa de les llibertaes, la democracia y llucha contra'l fascismu", defende Izquierda Xunida (IX).

En concreto son Vicent García Riestra, sobreviviente últimu de Buchenwald fináu recién, del que Xuan Santori dio a conocer la so historia nel premiáu ensayu ‘42.553: depués de Buchenwald’, José Antonio Alonso Alcalde, Felipe Matarranz y Cristino García. “Esti reconocimientu ye fundamental. Estos guerrilleros antifascistes asturianos son considerados héroes en Francia y na Europa que derrotó al fascismo. En plenu sieglu XXI resultaba increyible, y inclusive vergoñoso, que nun esistiera un reconocimientu oficial a estes personas que, en munchos casos, siguen teniendo sentencies condenatories franquistes y, polo tanto, siguen asociaos a la condición de bandoleros y terroristes”, señaló Rafael Palacios, diputáu de Podemos.

Na semeya, García Riestra.

Contador Estadistiques