Ana Cano pide que la especialidá d'asturianu tenga calter estatal

La Academia de la Llingua Asturiana refuga que la especialidá docente del asturianu se cree a traviés d'un decretu autonómicu

Tres d'un conceyu con Ciudadanos, la presidente de l'Academia de la Llingua, Ana Cano, refugó la posibilidá de que la especialidá d'asturiana, una de les promeses del conseyeru de Cultura, Genaro Alonso, se faiga pente medies d'un decretu autonómicu.

Cano opina que la creación de la especialidá docente tien que se facer con una modificación del decretu estatal d'especialidaes que permite la inclusión de llingües non oficiales pa nun dexar asina  a los docentes con una reconocencia inferior a los del restu de les asignatures.

Hai unos díes, el Conseyeru de Cultura esplicó que la solución pa la creación de la especialidá, pasaría per un decretu autonómicu, y qu'hai una comisión trabayando pa buscar la meyor fórmula pa facelo.