25 años ensin Xuan Muñiz Zapico

Estos díes celébrase tamién el 25 aniversariu de la muerte de Xuan Muñiz Zapico, una de les figures más simbóliques de la transición n'Asturies. "Xuanin el de Mieres" yera l'únicu asturianu encausáu nel famosu "procesu 1001" que sentó, cuando la dictadura yá taba dando les boquiaes, a un garrapiellu de sindicalistes nel escañu de los acusaos. La dictadura pidía castigos descomanaos pa ellos, y en concreto, solicitaba 18 años de cárcele pa Muñiz Zapico, que dempués quedaron en cuatro. El sindicalista asturianu ye tamién una figura importante na historia del sindicatu Comisiones Obreres, el más importante n'Asturies hasta los años 70 y del que foi ún de los sos fundadores. El 2 de xineru del 77, un accidente de coche acabó cola vida d'un de los sindicalistes más importantes na historia d'Asturies. El so intierru na Frecha (L.lena) al que foron miles de persones, convirtiose nun actu qu'amás del duelu tenía un fuerte calter políticu.

Contador Estadistiques