Convocatories

La entrega del Premiu Meyor Blogue, charres sobre la comunidá o la historia del asturianu na rede, conformen los actos del Sidra&Blogues del próximu 20 de febreru.
 
L’actu entamará a les 17.00 hores na Casa de los Alberti de Ciañu (Llangréu), cola conferencia “1996”, onde l’espertu n’Internet, direutor de la zona atlántica de Prensa Ibérica Dixital y cofundador d’Asturies.com, David Guardado, va falar d’esi añu como fundacional pa la llingua asturiana na rede, faciendo un repás de toles iniciatives y coses que pasaron y falando de xente concreto.

Los dies 12 y 13 de febreru Valdesoto celebra les III Xornaes de Mazcaraes d'iviernu. El vienres 12 hai varies ponencies rellacionaes cola mascara y pa finar un alderique con informantes de delles mazcaraes d'Asturies con Berto Alvarez Peña como moderaor.

El día 13 per Valdesoto Desfile de les Mazcaraes d'Asturies (Os reises de Valledor, Os reises de Tormaleo y Los sidros de Valdesoto), pa finar delantre l'Ilesia con la representación de les Comedies:

Esti sábadu 13 de febreru, la xixonesa Sala Savoy acueye a les 20.30 hores, el conciertu de presentación de "Ye lo que hay", el nuevu discu d'Odio Visceral. Nel conciertu van tocar amás, Skonta y Adizión Etílika. La entrada ye de cuatro euros.
 

El sábadu 6 de febreru a las 20:00 hores nel Teatru Municipal de Samartín del Rei Aurelio en L’Entregu, el Grupo de Teatru Refaxu de Blimea pondrá n’escena la obra “El Santu” del autor entreguín Pablo Rodríguez Medina. El Santu ye una pieza de teatru onde nun pueblu tán preparándose pa la llegada de los restos d’un santu que va facer que too cambie. Nella, l’autor preséntanos un mundu que nos resulta cercanu porque, quiciabes, nun ta mui lloñe del nuestru; y unos personaxes que, pasu ente pasu, van faciéndose más y más cercanos.