Convocatories

Teatru Kumen va tar nel Teatru Riera'l sábadu 22 de mayu a les 20 hores, cola obra ‘L'Encierru’, una función programada pol área municipal de Cultura, con entrada llibre.

La obra parte d'una noticia na prensa, l'encierre d'unos sindicalistes na mina pa esixir determinaes soluciones a los sos problemes. Mientres l'encierre van surdir conflictos personales y dificultaes de convivencia.

El PAS celebra 25 años d’esistencia con un conciertu coral de la Coral Polifónica d’Asturies Cruz de la Victoria, esti sábadu 22 de mayu a partir de les ocho y media de la tarde na Ilesia de San José, en Xixón, y al que el PAS convida a participar a tolos simpatizantes.

Esti vienres, 21 de mayu de 2010, celébrase na sala polivalente del Teatru Riera la IIª Arribada. Trátase de la segunda entrega de L'Arribada en Villaviciosa. La primera fue'l pasáu mes de setiembre de 2009, dedicada a la ría y el puertu de Tazones; la próxima coincidirá nuevamente coles Fiestes del Portal.

El próximu día 17 de mayu ye’l Día Internacional contra la Homofobia y la Transfobia, y poro, dende ‘Diversia Asturies’ pretenden llevar a cabu una concentración nos Xardines de la Reina col lema “Porque toos somos distintos”. Dende ellí va empecipiase una manifestación haza la Plaza Mayor, na que van portar teles de colores, conformando asina, la bandera multicolor.