Concentración contra la homofobia

El próximu día 17 de mayu ye’l Día Internacional contra la Homofobia y la Transfobia, y poro, dende ‘Diversia Asturies’ pretenden llevar a cabu una concentración nos Xardines de la Reina col lema “Porque toos somos distintos”. Dende ellí va empecipiase una manifestación haza la Plaza Mayor, na que van portar teles de colores, conformando asina, la bandera multicolor.

Una vegada ellí, van componela nel suelu, esplicando na llectura d'un manifiestu, qué simboliza cada color, y van arrodiala de veles. De siguío, van guardar un minutu de silenciu, n'honor a les víctimes asesinaes n'actos homófobos. Asina, van llevar a cabu la recoyida de firmes por que la OMS descatalogue la transexualidá, como enfermedá.

L'oxetivu d'esti actu ye'l de desenvolver una campaña de sensibilización de la sociedá asturiana, al traviés de la realización d'actividaes que llogren captar l'atención, fomenten la participación de los viandantes y la cultura al rodiu d’esti colectivu.