II Folixa Nacional 'Asturies enxamás vencida'

Fai! quier conmemorar el 25 de mayu cola II Folixa Nacional ‘Asturies enxamás vencida’, conciertu onde actuarán Mallacán, La Tarrancha, Arma X, Galán y Da Robotz y que va celebrase’l próximu sábadu 22 de mayu, a les 20 hores nes dependencias de la Casa Sindical de Xixón.
 
Nel conciertu van participar Mallacán, grupu cimeru del rock n’aragonés qu’esti añu va dar una xira per Xapón y tocar nel Fuji Rock; La Tarrancha, grupu de ska-reggae asturianu que ta acabantes d’asoleyar ‘Ö33’; Arma X, raperu de la Cuenca qu’espublizó va poco ’25 otoños’; Galán, otru raperu, nesi casu de Tresona, que tien nes tiendes rl discu ‘Barriendo pa fuera’; y pa finar Da Robotz, nome tres el que ta Xel Díaz, músicu uvieín que fai composiciones lletróniques averaes al mundu del folk.
 
El conciertu tendrá un preciu de 8 euros. Mientres que garrando la entrada anticipada, será de 6 euros. En Xixón, les entraes tará disponibles nel local de Sestaferia y n’El Baruku; n’Uviéu en La Casa Posafuelles y L’arcu la vieya; n’Avilés nel Llar d’Andecha; en Mieres en L’Habana y L’Abellugu; y en Posada de Llanera n’El Ñeru.