Convocatories

La Tertulia Pachín de Melás, qu'entama'l grupu d'Unidá Nacionalista Asturiana (UNA) en conceyu de Xixón, tratará esti mes el tema de la creación d'empreses y del desendolque de proyeutos innovadores n'Asturies. Pa ello contaremos con Inaciu Iglesias, empresariu y escritor de delles obres sobro la problemática de la empresa asturiana, Carlos Fernández, empresariu y creador de delles propuestes de collaboración empresarial, y Tino Fernández, empresariu nel sector de les nueves tecnoloxíes.

Convócase un conceyu abiertu de la iniciativa soberanista y ciudadana "Democracia p'Asturies/Democracy for Asturies" pa esti prósimu llunes 22 de payares nel llocal de la Corriente Sindical d'Izquierda n'Uviéu* (Avd. Hermanos Menéndez Pidal, 14 baxu).

La Fundación Belenos organiza’l XI Seminariu d’Estudios Asturianos. “Asturies un espaciu atlánticu: del castru a l’aldea” ye’l títulu y la temática d’estes nueves nueves xornaes que van celebrase’l 20 y 21 de payares.
L’arqueólogu Xurxo Ayán Vila, l’Etnógrafu Ástur Paredes y l’arquitectu Xuan Pedrayes Obaya van ser los encargaos de falar de la arquitectura tradicional asturiana nel XI Seminariu d’Estudios Asturianos.

El miércoles 17 de payares a les 20.00 nel Atenéu de Turón.

La proyección rellata los fechos de les fuelgues de 1962, amestando imáxenes de la época con testimios de los protagonistes.