Convocatories

Re-Percusión Feminista Tam Tam Bruxes vien de convocar una manifestación contra la violencia sexista en Xixón. L’actu ye otra de les actividaes qu’esta selmana celebren distintes entidaes por mor del Día contra la Violencia de Xéneru.
“L’asesinatu de muyeres ye pa nosotres una amuesa evidente de que la igualdá ente homes y muyeres ye un finxu que la sociedá tovía tien qu’algamar”, señala’l comunicáu de les feministes. Amás, añaden que “ta claro” que les medides xudiciales, penales, lleis penales d’anguaño son “necesaries pero non suficientes”.

Los músicos de bandurria asturiana, instrumentu medieval con caracterísques úniques, van celebrar un alcuentru’l próximu 27 de payares en Siero. Cantarinos, romances, asturianaes o coples son dalgunes muestres del so repertoriu.
“Los bandurrieros y bandurrieres son músicos que toquen un vieyu instrumentu qu’aportó hasta nós dende dómines medievales y que se conservó, sobre tou, nel Oriente d’Asturies y nel Occidente de Cantabria”, señala Dani García de la Cuesta, organizador del eventu, sobre esti instrumentu tradicional.

A les 12 hores

Concentración contra la violencia de xéneru convocada pol Conseyu Asturianu de la Muyer, el Gobiernu del Principáu d'Asturies y la Xunta Xeneral del Principáu ante la Sede de la Presidencia del Gobiernu.

Van Dar llectura a la Declaración aprobada pola Xunta Xeneral del Principáu con motivu del 25 de payares dos persones: Rosario Blanco, de la Fundación de Terapia de Realcuentru, y un representante de l'Asociación d'Ecuatorianos Residentes n'Uviéu.
 

Charra de Rafa Palacios, portavoz del Bloque por Asturies, nel ciclu “Qué ye ser d’izquierda, qué ye ser socialista”

A les 20 hores na Sociedad Cultural Gijonesa