Convocatories

El próximu 21 d'avientu a les 19.00 hores va celebrase la gala d'entrega de los premios lliterarios en llingua asturiana que convoca la Conseyería de Cultura y Turismu del Principáu d'Asturies.
L'actu va tar presidíu pola Conseyera, Mercedes Álvarez González, y nél van participar los galardonaos de los premios d'esta edición: Miguel Allende, Xulio Arbesú, Ruma Barbero, Ismael González Arias y Pablo Antón Marín Estrada.
L'actu, que va facese nel patiu del Palaciu Inclán Leiguarda (Plaza del Sol, 8, Uviéu), ta abiertu a tol públicu interesáu.

L'asociación "La Casa Azul del Occidente" empobina un alderique coll títulu "Los eólicos a debate", el próximu sábadu, 19 d'avientu, nel Espaciu cultural El Liceo, de Navia, a les 19,30 hores.

El Club de Prensa de La Nueva España organiza na Casa de Cultura d’Avilés la presentación de la tercer edición de la Hestoria d’Avilés, en cómic, esti xueves, día 17 d’avientu, a les ocho la tarde. Na mesma van participar Pilar Varela, alcaldesa d’Avilés; David Careaga, editor; José Manuel Feito, hestoriador, y l’autor, Miguel Solís Santos.