noticia

Sidoro Villa Costales, autor de 'Nun-yos tengas perceguera', espubliza la segunda parte d'esta obra qu'axunta poesía y animales pa disfrute de los sos munchos siguidores. La primera, editada tamién por Trabe, ta escosada.

Esti xueves ye San Xuan y pela nueche van prendese cientes de fogueres per toda Asturies. Como bien sabes, trátase d'una nueche máxica que tien como elementos protagonistes l'agua y el fueu. ¡Celébralo con 'A la gueta los sueños'!

La cuarta edición del programa 'Cantar presta muncho' va tener llugar esti domingu nel Teatru Xovellanos dividíu en dos sesiones, mañana y tarde. Nacho Fonseca coordina esta actividá que se desendolca a lo llargo del añu y que fina con esta gala.

'Caricote' ye l'álbum infantil últimu de Carla Menéndez Fernández. El nuesu amigu ye un perrucuspín al que nun-y presta nada vivir, xugar o mesmo xintar en compañía, hasta qu'un día se pincha con un escayu y cambia la so forma de ver les coses.

Nesi momentu Caricote entama barruntar que l’aislamientu nun ye tan bono y qu’igual la compañía nun ta de más, inclusive pa facer arrollones peles cuestes del pueblu. ¡Qué bona decisión!

AsturtOOns ta acabante d'espublizar 'Cuando los gatos conquistaron la Tierra', llibru nel qu'Enrique Carballeira esplica lo que naide quixo contar: cómo estos seres peludos tomaron el nuesu planeta. La editorial presenta un formatu novedosu de 'llibru+CD' pa poder disfrutalu en dispositivos electrónicos.

Los avilesinos en Primaria y los villayonenses, en Secundaria y Bachilleratu.

La Conseyería d'Educación y Cultura falló ayeri'l III Certame de Teatru Escolar en Llingua Asturiana/Gallego-Asturiano, nel que participaron centros educativos de tol país. Los ganadores en Primaria foron los escolinos del Colexu Públicu Versalles, asitiáu n'Avilés, cola obra 'Escaecer', mentes qu'en Secudaria y Bachillerato lleven el primer premiu los alumnos del Centru Rural Agrupáu Villayón, con 'El trato del cocho'.