Esti domingu’l Museo Taller de Títeres va vivir una xornada especial por mor del Antroxu. Los visitantes van poder ver les mázcares de coleición del recintu, amás de recibir a un sidru procedente de Valdesoto.
Con motivu del Día Internacional de la Llingua Materna, la Oficina de Normalización Llingüística de Xixón y Reciella asoleyen un cartafueyu informativu sobre’l billingüismu. Ésti ta destináu a padres de neños y neñes de 0 a 3 años.
La quinta edición de l’Axenda Didáctica Asturiana yá ye una realidá. Esta iniciativa de Política Llingüística ufre 63 actividaes p’apoyar, como complementu, el llabor diariu de los maestros de Llingua Asturiana y de Gallego-asturiano.
Sabes bien qu'Asturies tien una llarga tradición festiva. De xuru qu'en branu disfrutastes xunto cola to familia en dalguna romería. Na ficha didáutica sobre les fiestes asturianes falámoste sobre elles.
Emílio Martins, un maestru de mirandés, ta acabante d'entamar un proyeutu p’averar esti idioma del tueru asturlleonés a neños y neñes. Ésti lleva’l nome de ‘Mirandês for kids’ y consiste en videos con cantares colgaos en Youtube.
L'oceánicu, el mediterraneu, el polar... Son dellos los climes esistentes nel mundu, a los que vas poder averate nesta ficha didáutica nueva que te presentamos: climes del mundu.
'A la gueta los sueños' estrena una estaya nueva de fiches didáutiques cola que los neños y neñes van poder trabayar tanto temes asturianos como xenerales. La primer de toes ta dedicada a los océanos y mares.
Esti vienres va celebrase la primer de les cuatro sesiones del ciclu ‘Escenines pa la Reciella’ qu’entama ‘Reciella.Families pol Asturianu’. Esti coleutivu va averar l’asturianu a los más pequeños esta Navidá al traviés de la música y el teatru.
Los neños y neñes d’Infantil del Colexu Públicu El Pascón, en Tinéu, pudieron entregar el martes les sos cartes pa L’Anguleru. Un llendador de ríu, persona que curia los calces asturianos mientres tol añu, vieno a recoyeles.
