Reflexones tres otru desastre eleutoral

31 Mayu, 2011 por Xurde Blanco

Xurde Blanco's blog
Inicie sesión o rexístrese pa espublizar comentarios

D’hai tiempu, el nuesu pueble vien ufiertando tarrén abondo pal asitiamientu d’una fuercia política nacionalista-asturianista non marxinal .

Proyeutu que nun cuaya por mor d’ambiciones y otres miseries personales orixe d’una dinámica pluripartidista cainita que vien faciendo a la ciudadanía, una y otra vuelta, el mesmu y oportunista mensax: que mos pongamos tres la sigla qu’ellos alministren.

Trágala qu’a la percrítica y creativa base social nacionalista nun ilusiona, col consecuente desencantamientu, desdexamientu y, al cabu, desastre eleutoral, que se vienen repitiendo per años y que, nel qu’andamos, abulten mui preocupantes.

Asina les coses nun queda otra alternativa qu’echase a dar les boquiaes o intentar una forma d’encadarmamientu, dafechamente abierta y participativa, que tien d’entamase con un llamáu a conceyu a tol nacionalismu-asturianismu, persones físiques y xurídiques, ensin esceiciones nin condiciones.

Llamáu que-y correspuende facer a tolos partíos políticos nacionalistes-asturianistes enxunto y na so condición de principales responsables de la morrina que carecemos.

Comentarios

pachu wrote on 7 Xunu, 2011:

Asturies non tien una alternetiva nacionaliega, i non ye ñuevu, dende munchu tiempu fai!!!Que si dalgun solu vive d'aparentar con titulos...Como nos tiempos del facismu,los sos güeyos non ven que,la xente non lu traga, poro non reflexiona i dexa les coses vieyes!!!
Dalgunos non veen que, la ezquerda xa ta n'Asturies i otra non fai falta....I si vemos que, non hai una personalida pa tirar pel carru....Asturies sera mas castiella.
Munchos veros asturianos votaren a Cascos,solu con la esperaza que,faiga dalgo por Asturies, non por pensar como elli!!!