Zucchero nel día d'Asturies?

Amás de los estremaos actos asturianistes que se convoquen pal 8 de setiembre, la xornada del Día d'Asturies complétase siempres colos actos oficiales organizaos pol Gobiernu asturianu. Hasta va bien poco, estos actos facíense en Llamorgal, en conceyu Llanera, pero dende l'añu pasáu, el Principáu decidió convertir l'actu nuna macrofiesta espectacular que se ficiere cada añu nuna ciudá distinta d'Asturies. La primer esperiencia col cantante Manu Chao d'estrella del cartel en Xixón foi un ésitu de convocatoria que quieren repetir pa esti añu n'Uviéu, onde quieren traer ná menos que al cantante italianu "Zucchero" Formaciari. Anque la presencia del vocalista italianu parez que nun casa mui bien col espíritu del Día d'Asturies, hai que remembrar que nun ye la primer vegada que traen un cantante italianu pa esta fiesta, esi honor correspuénde-y a Franco Battiato. El cantautor tresalpín compartió cartel con Nuberu nuna xornada qu'acabó como'l rosario l'aurora con llanzamientu de Güevos al presidente Pedro de Silva
incluyíu.