Zaragoza 3 - Uviéu 1

L'Uviéu tenía un desplazamientu difícil en campu del Zaragoza, pero naide nun contaba con que'l porteru del equipu asturianu acabare regalándo-yos el partíu a los maños. Los asturianos apretaron tola primer parte ensin sacar tayada, con una oportunidá clarísima de David Cano, pero namás entamar la segunda los locales aprovecharon dos fallos de Dorronsoro pa meter un 2-0 que de dexó'l partíu vistu pa sentencia. Anque'l gol d'Idiakez salvó l'arguyu carbayón, el 3-1 final dexa a los azules penúltimos na clasificación.