Yá ye posible votar pola 'Meyor noticia pal asturianu en 2020'

Iniciativa sortia nesta ocasión llibros ente toles persones que participen na escoyeta.

Como tolos años per estes feches dende'l 2013, esti coleutivu pon en marcha'l procesu pa votar pola 'Meyor noticia pal asturianu', nesti casu del 2020. Hasta'l día 20 ye posible seleicionar hasta un máximu de 10 avances que vivió l'asturianu ente les 25 propuestes feches polos organizadores.

"Esta votación ye importante porque con esta campaña pretendemos facer llegar a los asturianos y a les asturianes delles bones noticies pal nuesu idioma. Amás, dende Iniciativa pol Asturianu queremos recoyer lo positivo d’esti 2020 pal asturianu y treslladar que la llingua asturiana va ganando presencia nes instituciones y normalidá na sociedá”, apunten.

Como novedá esti añu vamos va entamase un sortéu de llibros ente tolos participantes. L'añu pasáu la noticia 'El presidente d’Asturies usa l’asturianu en dellos actos institucionales y nel mensaxe de fin d'añu' foi escoyida como la meyor del 2019.

Pa votar a la 'Meyor noticia pal asturianu en 2020' ha de calcar equí.

Na imaxe, dalgunes de les 25 noticies seleicionaes por Iniciativa pol Asturianu.