Yá se pueden consultar les calificaciones del B2

|
Prueba B2 asturianu reducida

Tán disponibles na páxina web d'Educastur.

Nes dos selmanes últimes desendolcóse la primer prueba de certificación d'asturianu adaptada al Marcu Común Européu de Referencia pa les Llingües. De nivel intermediu B2, principió'l día 3 coles exercicios del bloque escritu, al que taben llamaos les 407 de les 500 persones con derechu –hebo cuasi 800 solicitúes– qu'abonaron les tases, pa siguir depués col oral en xornaes repartíes según l'apellíu.

Esta mañana los aspirantes que se presentaron al esame yá pueden consultar si son 'aptos' o 'non aptos' nesti nivel del idioma. P'aprobar ye necesario tener una nota media superior al 6 y contar con, como mínimo, un 5 en caúna de les pruebes.

Les persones non aptes que quieran una revisión tienen hasta mañana a les 11 hores pa solicitar una cita. La recoyida del certificáu, adaptáu a la normativa europea, va poder facese dende'l 5 de payares, tres pidir tamién cita previa, na secretaría del IES Aramo.

Na semeya, una de les aules de la Facultá de Formación del Profesoráu y Educación de la Universidá d’Uviéu con aspirantes a la espera del entamu de la prueba escrita.

Contador Estadistiques