Xulio Berros presenta un llibru interactivu pa neños

L'autor Xulio Berros (Sotrondiu, 1963) ta acabante d'espublizar cola casa editorial VTP "El mundu de Toya" una nueva obra que vien a enanchar les aventures de Toya, un personaxe que yá apaecía n'otru de los sos llibros y tamién la so carrera como ún de los autores especializaos en lliteratura infantil y xuvenil del panorama de les lletres asturianes, una estaya creativa na que tien títulos como "Lo mío cómu ye" (1994), "Maxa de branu" (1996), "Fuera de xuegu" (1998), "Toya" (1998) "La triba de Xinés"(1998) y, más de recién "fuera de xuegu"

Como novedá, complementando al llibru, l'autor propón delles xeres interactives pa facer dempués de la llectura y pa entretenese, a les que se pue acceder dende ésta páxina web. Un crucigrama colos nomes de los personaxes, xuegos de pallabres que falten en frases incompletes del llibru y xuegos colos testos y coles guapes ilustraciones de María Amor Sánchez. L'autor Xulio Berros diz qu'esta ye "una esperiencia novedosa nel mundu de la lliteratura infantil na nuesa llingua". Al traviés de la web, pue accedese tamién a dellos conteníos sobre la so obra y esbilles de testos.