Esti xueves ye'l día caberu pa matriculase pa la prueba de conocencia de l'ALLA

Les persones interesaes en matrículase pa la prueba de conocencia de l'ALLA del mes de xineru tienen hasta esti xueves pa formalizar la inscripción. L'esame va celebrase'l sábadu.

L'horariu pa facer el trámite que permite facer la prueba qu'afita la conocencia d’asturianu nel nivel 1 o básicu ye de 9 a 15 hores y de 16 a 19 hores. P'algamar dichu títulu de l'Academia de la Llingua Asturiana (ALLA) ye necesario amosar un dominiu tanto de les normes llingüístiques como de la situación actual del idioma y del procesu de normalización nel que ta inxertu.

L'esame, que cuenta con dos partes, una escrita y otra oral, ta convocáu pa les 9.30 hores na Escuela d’Inxeniería Informática de la Universidá d’Uviéu (cai Valdés Sala), nel campus uviedín de Los Catalanes.