Xuan Xosé Sánchez Vicente presenta 'Estudios (I)'

Esti llibru recopila investigaciones lliteraries y filolóxiques feches pol autor xixonés.

Xuan Xosé Sánchez Vicente presenta mañana na Escuela de Comerciu la obra 'Estudios (I)'. Va ser a les 19.30 hores nel antepar de la segunda planta.

Editada por Trabe, l'escritor esbilla nella una coleición d'estudios lliterarios y llingüísticos, tanto de lliteratura asturiana como castellana. Una primer parte recopilatoria de los sos testos que tolos asistentes van recibir de baldre.

L'aforu va tar llendáu a 35 places, polo que se recomienda acutar plaza p'acudir al eventu. La xente interesao va poder facelo unviando un corréu electrónicu a la direición partiuasturianista@gmail.com aportando'l so nome y númberu de teléfonu.