Xosé Lluis Campal recupera la obra d’Aladino Fuente

"Obra casi completa" ye'l títulu del llibru recopilatoriu de los trabayos del sierense asitiáu en Llangréu Aladino Fuente Vega (1904-1973). Editáu pola Academia de la llingua Asturiana dientro de la so colección "llibrería facsimilar" esti llibru asoléyase gracies al llabor de Xosé Lluis Campal, que destaca la importancia d'Aladino Fuente como "ún de los grandes desconocíos de la cultura asturiana de güei". Asina dio fé d'ello l'abundante públicu qu'asistió a la presentación organizada ayeri pol Serviciu de Normalización Llingüística del Conceyu de Llangréu na Casa de Cultura "Escueles Dorado" de Sama

Con ser anguaño un autor desconocíu, la obra d'Aladino, poeta autodidacta y ensin más formación académica que la escuela primaria, conózse pol ésitu editorial que teníen los sos trabayos poéticos n'asturianu allá pelos años 60, cuando'l mesmu Aladino editaba cartafueyos de venti o tranta páxines a tamañu d'actava que llegaben a escosase nos quioscos de la Cuenca'l Nalón. Nelles el poeta espresaba les sos idees y "criterios mui discutibles" como destaca'l mesmu Campal nel casu de los poemes que papel de la muyer y el matrimoniu, mientres qu'otros temes como'l de l'Asturies rural idealizada, los llabores nes fábriques y mines o asuntos contemporáneos como la llegada del home a la lluna. Xosé Lluis campal destaca que too ello fai d'Aladino un poeta que supo concasar mui bien con un públicu que se reconocía na so obra, recuperada pal públicu actual nesta "Obra casi completa" que recueye cinco cartafueyos enteros espublizaos ente 1950 y 1971.