Xornaes culturales en Llangréu

L'Ayuntamientu de Llangréu celebra estos díes les xornaes culturales asturianes "A la gueta los oríxenes". Estes xornaes tienen como ganchu más importante pal públicu'l conciertu que van dar mañana en Teatru Nuevu de La Felguera, los grupos folk Hortolana y Felpeyu. Los primeros son un conxuntu folk nuevu dafechu de la Cuenca del Nalón, mientres que los segundos cásique nun precisen de presentación. El grupu d'Igor Medio y Ruma Barbero va llevar al escenariu felguerín el so nuevu directu coles canciones del LP "Yá" que presentaren a primeros del veranu.

La programación de les xornaes incluye otros actos importantes, ente ellos la conferencia que va dar esta tarde a les 19:45 na Casa de Cultura de Sama, Ramón d'Andrés, acabante de presentase como Director de la oficina de Política
Llingüística. Otramiente, les xornaes lleven a Llangréu la esposición itinerante sobre Antonio García Oliveros, l'escritor bibliófilu y estudiosu a quien se-y dedicó esti añu la Selmana de les Lletres.