Xixón presenta'l 'Pallabreru de la Hípica'

|
Xixón presenta'l 'Pallabreru de la Hípica'

Esti xueves presentóse nel pabellón del Ayuntamientu de Xixón na FIDMA'l 'Pallabreru de la hípica', d'Isidro Suárez Rodríguez.

Esta obra, que lleva un saluda d'Eduardo Pérez Lastra, el primer xinete asturianu campeón d'España de Saltu d'Obstáculos, ye una publicación nueva de los pallabreros temáticos de la Oficina de Normalización Llingüística venceyaos al mundu del deporte, nesta ocasión a la hípica, que tan enraigonada ta na sociedá xixonesa. Nelli faise un percorríu peles diferentes disciplines ecuestres, los oríxenes de la equitación y la hípica en Xixón. Esti pallabreru repartirase durante'l Concursu Hípicu Internacional de Xixón, que se celebrará del 24 al 29 d'agostu.

Nel actu taben presentes Monserrat López Moro, conceyala d'Educación y Cultura; Jesús Martínez Salvador, conceyal de Turismu, Deportes, Festexos y Xuventú; l'autor Suárez Rodríguez; el xinete Pérez Lastra; la responsable de la Oficina de Normalización Llingüística, María Xosé Rodríguez López; y la xefa de División, Herminia Bermúdez.

Nesti enllaz pueden descargase los pallabreros asoleyaos en formatu PDF.

Contador Estadistiques