Xixón pieslla’l programa de les Xornaes de Normalización

La responsable de la Oficina de la Llingua de Xixón, María Xosé Rodríguez,adelantó a Asturies.com el conteníu de les xornaes, que van desarrollase del 15 al 17 de payares.

El Centru de Cultura Antiguu Institutu de Xixón va acoyer los díes 15, 16 y 17 de payares de 2004 les I Xornaes sobre la Normalización Llingüística nos Conceyos. Organizaes pola Oficina Municipal de la Llingua del Ayuntamientu de Xixón en collaboración cola Rede de Conceyos pola Normalización y el sofitu de la Oficina de Política Llingüística del Principáu d'Asturies, estes xornaes van dar a conocer distintes esperiencies de normalización llingüística que se vienen faciendo n'Aragón, Cataluña, Euskadi, Galicia y Valencia y analizar y afondar na situación qu'anguaño ta viviéndose n'Asturies cola puesta en marcha de distintos servicios de normalización llingüística nos Conceyos .


El programa de les xornaes, que van facese nel Centru de Cultura Antiguu Institutu, entama'l llunes 15 de payares cola intervención del responsable de normalización del conceyu d'Almassora, pasando a lo llargo de los trés díes de ponencies encargaos de política llingüística de conceyos de tol spertos llegales que van falar sobre como concasar ordenances d'usu cola llexislación esistente .

Ver equí'l programa completu en formatu word