Xixón Baloncestu 92 - Tau Vitoria 88

Contra tolos pronósticos, que barruntaben otra derrota más pal yá cási que descendíu Xixón Baloncestu, y cola ausencia de la estrella del equipu, Lou Roe, que decidió plantase dempués de meses ensin cobrar, los de Moncho López dieron la sorpresa ganando al Tau Vitoria. Sicasí, el trunfu paez que llega un poco tarde.L'equipu de Xixón metiose nel partíu gracies a la efectividá nel tiru, lo mesmo esterior que interior, rescamplando la figura de Todd Fuller, que fizo'l meyor alcuentru dende que vieno a Asturies. Tres un primer tiempu con alternatives ente los dos equipos, los vitorianos diéronse, cargaos de personales y afogaos pola buena defensa del Xixón. Anque la ventaya local anduvo pel marxe de los diez puntos, nel ultimu cuartu los visitantes igualaron nel marcador al empatar tres triples de seguío tres un tiempu muertu, pero Robles marcó'l caberu llanzamientu dende 6,25, dexando a los vitorianos ensin tiempu pa más.